CONCRETO — Estudio de Arquitectura · Poio, Pontevedra
Entendemos a arquitectura como unha forma de dar resposta ao lugar, ás necesidades de cada proxecto e a quen o vai habitar. Desde 2004 traballamos en vivenda, rehabilitación e obra pública, combinando deseño, experiencia técnica e coñecemento da administración para desenvolver solucións claras, funcionais e duradeiras, coidando tanto a idea arquitectónica como a súa execución.
En CONCRETO — estudio de arquitectura entendemos a arquitectura como un compromiso a longo prazo: co cliente, co lugar e co tempo. Acompañamos cada proxecto con dedicación e un seguimento próximo, ocupándonos de todo o proceso, desde as primeiras ideas ata a xestión administrativa e a obra. Propoñemos solucións axustadas a cada necesidade, combinando deseño, funcionalidade, eficiencia enerxética e calidade construtiva.
Servizos
Seis liñas de traballo, un único acompañamento de principio a fin.
Proxectos de vivenda unifamiliar, ampliacións, reformas integrais e interiorismo, adaptados ao uso, ao orzamento e ao lugar.
A nosa liña de traballo máis identificada: recuperación de edificación tradicional galega, intervención en patrimonio e adaptación de vivendas existentes, sen renunciar ao confort actual.
Acompañámoste en todo o proceso construtivo: asesoramento técnico en cada decisión e xestión completa da execución, cun único interlocutor dende o inicio ata a entrega das chaves.
Documentación técnica independente para particulares, comunidades e pequenas empresas, con rigor e prazos claros.
Xestionamos licenzas de actividade, con ou sen obra asociada, e legalizacións de instalacións xa executadas, ocupándonos de toda a tramitación ante a administración.
Redactamos proxectos de parcelación e segregación de fincas, axustados á Lei do Solo de Galicia e á normativa rexistral aplicable.
Como traballamos
Visitamos o lugar, escoitamos as necesidades reais e valoramos viabilidade técnica e orzamentaria.
Definimos a proposta, os criterios de deseño e unha primeira estimación de custos. Damos as voltas que faga falta ata que o resultado guste de verdade, apoiándonos en visualizacións que permiten ver a vivenda antes de construír e decidir con seguridade.
Redactamos o proxecto completo e xestionamos licenzas e certificacións necesarias.
Acompañamos a execución ata a entrega, cun único interlocutor técnico durante todo o proceso. Non damos un proxecto por pechado ata a plena satisfacción do cliente ou promotor.
O estudio
Estudio de arquitectura con sede en Poio, Pontevedra, dirixido por Gregorio L. Agís, arquitecto colexiado COAG nº 3187. Desde 2004 desenvolvemos proxectos de arquitectura, rehabilitación e dirección de obra, combinando experiencia técnica, coñecemento construtivo e unha atención directa durante todo o proceso.
Proxectos
Unha mostra de proxectos, entre obra nova e rehabilitación de construción tradicional.
Recuperación integral dunha vivenda tradicional de cachotaría no lugar de Seoane (A Baña), mantendo a estrutura orixinal en pedra e a cuberta de tella, con ampliación dun novo volume anexo ao existente.
Clic na imaxe para velaa completa
Vivenda unifamiliar de nova construción na parroquia de Raxó (Poio), de volume compacto revestido en pedra clara e acabado metálico escuro na planta superior, con piscina e xardín integrados na parcela.
Clic na imaxe para velaa completa
Rehabilitación integral do edificio da Confraría de Pescadores de Cambados, recuperando a fachada histórica e adaptando o interior aos usos sociais e administrativos da confraría. Proxecto en coautoría, con dirección de obra a cargo do estudio.
Clic na imaxe para velaa completa
Vivenda unifamiliar de nova construción no lugar de Recarei (Dorrón, Sanxenxo), volume branco de liñas depuradas con zócolo en pedra clara na planta baixa, cuberta plana e valado perimetral de formigón. Autoría do proxecto e dirección de obra a cargo do estudio.
Clic na imaxe para velaa completa
Proxecto de vivenda unifamiliar en Samieira (Poio), volume branco combinado con revestimento en pedra clara na planta superior, con voadizo, peche de vidro en balcón e iluminación exterior integrada no xardín. Autoría do proxecto e dirección de obra a cargo do estudio. Imaxe de proxecto (render).
Clic na imaxe para velaa completa
Vivenda unifamiliar en Raxó (Poio). Volume en dúas alturas, planta baixa revestida en branco e planta superior en panel metálico escuro voado sobre a fachada, con terraza e xardín con vistas á ría. Autoría do proxecto e dirección de obra a cargo do estudio.
Clic na imaxe para velaa completa
Noticias
Actualidade, novidades e publicacións do estudio.
Contacto
Escríbenos ou chama; respondemos persoalmente.
